"2022 жылы 17 қарашада сот қаулысымен тергеу органдарының Қ-ға қатысты қамауда ұстау мерзімін ұзартуын санкциялау туралы өтініші қанағаттандырылды. 8 айға дейін, яғни 2022 жылдың 21 желтоқсанына дейін", делінген сот хабарламасында.
22 сәуірде Алматы қалалық мәслихатының депутаты жаппай тәртіпсіздіктерді ұйымдастырды және оған қатысты деген күдікпен ұсталғаны белгілі болды. Оның қамауда болу мерзімі бірнеше рет ұзартылды. Кейін Қайрат Құдайберген Amanat партиясын қатарынан шығарылып, депутаттық мандатынан айырылды.
18 мамырда Қайрат Құрайбергеннің адвокаты Асентай Ақаев Сыбайлас жемқорлыққа қарсы қызмет ведомствоаралық жедел-тергеу тобының қызметкеріне қатысты қылмыстық іс қозғағанын хабарлады. Қайрат Құдайбергеннің айтуынша, тергеу изоляторының камерасында ол оған қысым көрсетіп, ар-намысы мен қадір-қасиетін қорлаған.
22 шілдеде Қайрат Құдайбергеннен COVID-19 анықталды. Адвокат оған қатысты бұлтартпау шарасын өзгертуді сұрап, өтініш берді, бірақ ол қанағаттандырылмады.
27 қазанда ҚР Парламенті Сенатының депутаттары палатаның жалпы отырысында "Рақымшылық туралы" ҚР Заңын қабылдады, оған сәйкес қаңтар оқиғаларына қатысушылардың бір бөлігі бостандыққа шығады.
