"Kia Rio" автокөлігінің 58 жастағы жүргізушісі қолайсыз ауа райын ескермей, жолдың тайғақ учаскесінде көлік тізгініне ие бола алмай жолдың шетіне шығып кетіп, аударылған.
Жол-көлік оқиғасы салдарынан көліктегі жолаушы - 64 жастағы әйел оқиға орнында қаза тапты, ал жүргізуші жұбайымен бірге ауруханаға жеткізілді.
Ақтөбе облысының Полиция департаменті ауа райының күрт нашарлағанын, жолдарда көктайғақ пайда болғанын ескертеді. Осыған байланысты елдімекендерден тыс жерлерге алыс сапарларға шықпау ұсынылады.
Соған қарамастан, егер алыс жолға шыққан болсаңыз, жол-көлік оқиғаларын болдырмас үшін жол қозғалысы ережелерін қатаң сақтау қажеттігін еске саламыз. Ақтөбе облысы ПД баспасөз қызметі
