Алматы облысында қару-жарақ жасырылған тағы бір орын анықталды

2 желтоқсанда сағат 19:15 шамасында жедел-іздестіру іс-шараларын жүргізу барысында облыстық Полиция департаменті Ұйымдасқан қылмысқа қарсы күрес басқармасының және ҰҚКД қызметкерлері бірлесіп, қару-жарақ сақталған орынды тапты, деп хабарлайды Zakon.kz.

Талғар ауданының аумағында Алмалық ауылына жетпей жолдың жанынан бұталардың арасынан қытай жол сөмкесі табылды. Оның ішінен 7,62 мм калибрлі бір аңшылық мылтық, кесілген тегіс ұңғылы қарудың екі данасы, пневматикалық тапанша, оқ-дәрілер және 115 түрлі патрон табылды. Алматы облысы ПД баспасөз қызметі

Аталған факт Талғар ауданының полициясында тіркелгені де нақтыланады.

Тергеу әрекеттері жүргізіліп, қажетті сараптамалар тағайындалды.

Сурет: polisia.kz