Polisia.kz хабарлауынша, күдіктілер қоғамдық автобустардан жолаушылардың ұялы телефондарды ұрлаған. Олар мұны қарабалас уақытта, автобустар адам лық толы кезде жасаған.
"Олар №20 маршруттық автобус жолаушысынан Samsung A10 ұялы телефонын ұрлағаннан кейін ұсталды. Олар бір күн бұрын күдіктілер "Тұран" мейрамханасы аялдамасында қыздың сыртқы киімінің қалтасынан құны 600 мың теңгеден асатын iPhone 12 Pro Max ұялы телефонын ұрлап кеткен. Қазіргі уақытта ер адамдар қоғамдық көліктегі ұрлықтың бес эпизодына қатысы бар мүмкін деген күдікке ілініп отыр", - делінген хабарламада.
Аталған факті бойынша сотқа дейінгі тергеу басталды, күдіктілер кінәсін мойындады, олар полиция департаменті уақытша ұстау изоляторына қамалды. Олардың тергеу барысында бұған дейін сотты болғаны анықталды.
