Көші-қон заңдылықтарын бұзған шетел азаматтарын анықтау және олардың жолын кесу, ҚР аумағынан өз еркілерімен шығу туралы сот қаулыларын орындамаған шетелдіктерді ұстау мақсатында Атырау облысы аумағында "Мигрант" жедел-профилактикалық іс-шарасы өткізіліп жатыр.
"Аталған шара кезінде 17 қаңтар күні Атырау қалалық полиция басқармасының көші-қон қызметі бөлімінің қызметкерлері ҚР әкімшілік құқық бұзушылық туралы кодекстің 517-бабы 3-бөлігі бойынша Қазақстан Республикасының халықтың көші-қоны саласындағы заңнамасын бұзған мемлекетаралық іздестіруде жүрген 1992 жылы туған Өзбекстан Республикасының азаматын анықтады", - делінген polisia.kz таратқан хабарламада.
Шетелдік азамат Ресей Федерациясы Қылмыстық кодексінің 158-бабы 2-бөлігі, яғни ұрлық қылмысы бойынша 2021 жылдан бері іздеуде болған. Қазіргі уақытта күдікті Атырау полиция басқармасының жедел-тергеу тобына тапсырылды.