29 қаңтарда әлеуметтік желілер мен мессенджерлерде көшеде жол қозғалысы ережелерін ашықтан ашық бұзып, жүйткіген көліктің видеосы тарады. Полиция оған қызығушылық танытып, тексере келе жүргізушіге жеті әкімшілік хаттама толтырды.
Құқық бұзушы – Т. есімді азаматқа қатысты келесі құқық бұзушылықтар бойынша әкімшілік хаттамалар толтырылды:
- ҚР ӘҚБтК-нің 590-бабы 2-бөлігі – бекітілмеген қауіпсіздік белдігі;
- ҚР ӘҚБтК-нің 595-бабы 1-бөлігі – бұрылу, айналу немесе тоқтау ережелерінің талаптарын сақтамау;
- ҚР ӘҚБтК-нің 606-бабы 1-бөлігі – апаттық жағдайды туындату;
- ҚР ӘҚБтК-нің 230-бабы 2-бөлігі – сақтандыру полисінің болмауы;
- ҚР ӘҚБтК-нің 596-бабы 3-бөлігі – қарама-қарсы қозғалыс жолағына шығу;
- ҚР ӘҚБтК-нің 596-бабы 2-бөлігі – басып озу ережесін бұзу;
- ҚР ӘҚБтК-нің 590-бабы 10-бөлігі – терезелерді қараңғылау;
Құқық бұзушының көлігі мамандандырылған айыппұл тұрағына қойылды.