15 ақпанда Атырау-Индер тас жолының 72 шақырымында Toyota Ipsum және Lada Grantа автокөліктері соқтығысты. Салдарынан Lada Granta көлігінің 1997 жылғы жүргізушісі оқиға орнында опат болды, ал ауруханаға жеткізілген осы көліктегі 1962 жылғы жолаушыны, өкінішке қарай, дәрігерлер аман алып қала алмады.
Toyota көлігінің жүргізушісі мен ондағы үш жолаушы да түрлі дене жарақаттарымен аудандық ауруханаға жеткізілді. Жол апатынан кейін Toyota отқа оранған.
Аталған дерекке қатысты аудандық ПБ ҚР Қылмыстық кодекстің 345-бабы 4-бөлігі бойынша сотқа дейінгі тергеп-тексеру амалдарын қолға алды.
Сурет: Telegram/POLISIA.KZ