Бүгін біз жаңа премьер-министрді тағайындап, алдына бірқатар нақты міндеттер қойдық. Мен премьер-министрге үш апта ішінде Үкіметтің 2022 жылға арналған іс-қимыл бағдарламасын әзірлеуді тапсырамын. Оны ақпан айының басында Үкіметтің кеңейтілген отырысында қарастыратын боламыз. Қасым-Жомарт Тоқаев
11 қаңтарда Мәжіліс отырысы өткізілді, оның барысында Қазақстанның жаңа премьер-министрі тағайындалды. Бұл лауазымға бұған дейін Үкімет басшысының бірінші орынбасары қызметін атқарған Әлихан Смайылов келді.
Жаңа үкімет басшысы бекітілгеннен кейін Президент Қасым-Жомарт Тоқаев саяси және әлеуметтік-экономикалық салалардағы өзекті мәселелерді шешу жөнінде оның алдына нақты міндеттер қойды. Атап айтқанда, ол ұлттық қауіпсіздікті қамтамасыз ету жүйесін қайта құрылымдауды тапсырды. "Қазақстан халқына" қорын құруды, сондай-ақ, министрлердің, депутаттар мен әкімдердің жалақысын көтеруге бес жылға мораторий жариялауды ұсынды.