10 ақпанда Қасым-Жомарт Тоқаев Владимир Путиннің шақыруымен Ресейге барды.
Өңіріміздегі тұрақтылық пен қауіпсіздікті қамтамасыз етуде Ресей Федерациясы бірегей маңызды рөл атқарады. Ресейдің еуразиялық кеңістіктегі қауіпсіздіктің бөлініп қарастырылмайтындығына қатысты ұстанымын қолдайтындығымызды атап өткім келеді. Түптеп келгенде, бұл 2010 жылы ЕҚЫҰ-ның Астана форумы қорытындысында қол қойылған декларацияда бекітілген. Қасым-Жомарт Тоқаев
Қазақстан Президенті өзге мемлекеттің қауіпсіздігіне нұқсан келтіре отырып, өз қауіпсіздігіңді қалыптастыру қазіргі әлемде мүмкін еместігімен және де мұның іс жүзінде тиімсіз екендігімен келісетінін айтты.
Ресей тарапынан айтылған халықаралық кең ауқымда қауіпсіздікке қатысты келіссөз өткізу бастамасы сәтті дипломатиялық келіссөздер үшін өте жақсы платформа деп ойлаймын. Біз келіссөздерді келіссөз өткізу үшін емес, нәтижелерге қол жеткізу үшін өткізілуін қолдаймыз. Түптеп келгенде, «жақсы жанжалдан, жаман болса да бітім артық». Владимир Владимирович Путинге және ҰҚШҰ бойынша басқа серіктестерімізге Қазақстан үшін бұрын-соңды болмаған террористік шабуылға тойтарыс беруде баға жетпес қолдау көрсеткені үшін тағы да алғыс айтамын. Қасым-Жомарт Тоқаев