Мемлекет басшысы «Республикалық референдум туралы» Қазақстан Республикасының Конституциялық заңына өзгерістер мен толықтыру енгізу туралы» Қазақстан Республикасының Конституциялық заңына қол қойды, делінген Ақорда хабарламасында.
Алдында Мемлекет басшысы Қазақстан халқы Ассамблеясының ХХХІ сессиясында референдум әрбір азаматтың ел тағдырын шешуге тікелей қатысуына мүмкіндік беретінін мәлімдеген болатын.
4 мамырда Мәжіліс "Республикалық референдум туралы" ҚР Конституциялық заңына түзетулер енгізу туралы заң жобасын қолға алды. Сол күні оны депутаттар қарап (98 депутаттың 98-і де дауыс берді), Сенатқа жолдады.
