Қазақстанда алғаш рет Конституцияға өзгерістер мен толықтырулар енгізу бойынша жалпыхалықтық референдум өтеді. Бұл шара еліміздегі демократиялық дәстүрлерді нығайту жолындағы маңызды қадам болмақ. Еліміздің азаматтары конституциялық реформалардың маңызын түсінеді. Қасым-Жомарт Тоқаев
Қазақстан Президенті «референдумға біздің қоғамда да, шетел де қызығушылық танытып отырғанын» атап өтті.
Бұл қоғамдық-саяси өзгерістерге деген әлеуметтік сұранысты әрі халықтың алдағы өзгерістерге деген сенімін көрсетеді. Бұл заңдылық, өйткені реформалар жеке адамдардың, оның ішінде президенттің артықшылықтарын арттыру үшін емес, бүкіл қоғамның мүддесі үшін жүргізіліп жатыр. Қасым-Жомарт Тоқаев
Мемлекет басшысы президенттік мерзіміне қатысты пікір туралы да сөз қозғады.
Маған ел ішінде де, шетелде де қазіргі мемлекет басшысы өз өкілеттігін референдум арқылы ұзартуға, былайша айтқанда, президенттік мерзімді жою туралы сұрақ қояды. Менің жауабы: мұндай ой болған жоқ, болмайды да. Қасым-Жомарт Тоқаев
Оның айтуынша, «ұсынылып отырған саяси жаңғырту бағдарламасы мазмұны жағынан өте ауқымды».
Бірақ басты назар адам құқықтары мен бостандықтарын қорғау жүйесін нығайтуға, азаматтардың мемлекеттік басқаруға қатысуын кеңейтуге, мемлекеттік институттардың ашықтығы мен тиімділігін арттыруға бағытталған. Қасым-Жомарт Тоқаев
Қасым-Жомарт Тоқаев 31 мамыр күні Алматыға жұмыс сапарымен келді.
