"i" дегенді анық белгілеу үшін парламент мәжілісінің депутаттары бұл сайлауды жаңа норма бойынша өткізу, президентті 7 жыл мерзімге сайлау туралы бастама көтеріп отыр. Осылайша келешекте басқаша түсіндірмелер болмас үшін бұл сайлау жаңа форматта өтуі керек деген ұсыныс бар.Сенат төрағасы Мәулен Әшімбаев
Оның айтуынша, 7 жыл мерзімге арналған норма әлемдік тәжірибе негізінде ұсынылған. Мысал ретінде ол кейінгі 20-30 жылда президент сайлауы өткізілген әлемнің барлық елін келтірді.
Оларға қарасақ, негізінен президенттердің бүкіл мерзім бойы басқарып, өз функциясын атқарғанын көреміз.Мәулен Әшімбаев
Сенат спикері сайлауалды бағдарламасын жүзеге асыруға, халыққа берген уәдесін орындауға, ел үшін ірі жобаларды жүзеге асыруға жеті жыл жеткілікті мерзім екенін қосты.
Еліміздің азаматы бір жеті жыл мерзімге президент болып сайлана алатыны үшін 7 жыл президенттік мерзімнің енгізілуін қолдаймын. Бұл елімізде саяси бәсекелестікті дамытуға мүмкіндік береді және жаңашылдыққа елеулі қадам жасаймыз, теңгерімді бәсекеге қабілетті демократиялық саяси жүйені қалыптастырамыз.Мәулен Әшімбаев
1 қыркүйекте мемлекет басшысы Қасым-Жомарт Тоқаев биыл күзде кезектен тыс президент сайлауын өткізуді ұсынды. Ол осындай ұсынысын парламент палаталарының бірлескен отырысында Қазақстан халқына Жолдауында айтты.