Одан бөлек Абай облысының тағы бірқатар өрт сөндірушісі марапатталды. Наградтау туралы Мемлекет басшысының Жарлығы Ақорда сайтында жарияланды.
Қызметтік борышын атқару үстінде көрсеткен ерлігі мен жанқиярлығы үшін ІІІ дәрежелі «Айбын» орденімен:
Төтенше жағдайлар министрлігі бойынша Абай облысы Төтенше жағдайлар департаменті өрт сөндіру және авариялық-құтқару жұмыстары қызметі № 14 өрт сөндіру бөлімінің жүргізушісі Тоғызбаев Айдос Ерұланұлы (марқұм);
Абай облысы Төтенше жағдайлар департаменті өрт сөндіру және авариялық-құтқару жұмыстары қызметі № 14 өрт сөндіру бөлімінің бөлімше командирі Тұрлыбеков Амангелді Айтмұхашұлы наградталды.
«Ерлігі үшін» медалімен Абай облысы Төтенше жағдайлар департаменті өрт сөндіру және авариялық-құтқару жұмыстары қызметі № 14 өрт сөндіру бөлімінің өрт сөндірушісі Нұрлан Сәлімжан наградталды.
Аталған Жарлық қол қойылған күннен бастап өз күшіне енді.
Әуезов ауылының №22 өрт сөндіру бекетінің қызметкерлері 7 қыркүйекте түскі уақытта Абай облысы Жарма ауданы Божығұр ауылдық округінің Бірінші ауыл учаскесіндегі дала өртін сөндіруге аттанған болатын.