Саммит отырысының басталғаны туралы Ақорданың Telegram-lдағы арнасы жариялады.
Сонымен қатар Қазақстан президентінің баспасөз қызметі шағын құрамдағы отырыс басталар алдында ШЫҰ елдері басшыларының бейресми сұхбаттасқанын хабарлады.
Қазақстан президенті Қасым-Жомарт Тоқаев 15 қыркүйекте Шанхай ынтымақтастық ұйымына мүше мемлекеттер басшылары кеңесінің отырысына қатысу үшін Самарқанға келді.
Кейін мемлекет басшысы мен ШЫҰ-ға мүше мемлекеттердің басшылары "Жібек жолы" туристік орталығына ағаш егіп, "Мәңгілік қала" кешенін аралап, бейресми әңгіме өткізді.
16 қыркүйекте Қасым-Жомарт Тоқаев ШЫҰ-ға мүше мемлекеттердің мемлекет басшылары кеңесінің отырысы өтетін "Конгресс-орталыққа" келді. Мемлекет басшысын Шавкат Мирзиеев жылы қарсы алды.