Бұл туралы Ақорда хабарлады.
Мемлекет басшысының өкімімен Талғат Амангелдіұлы Жақан Қазақстан Республикасы Президенті Іс басқарушысының орынбасары лауазымынан босатылды, - делінген хабарламада.
Талғат Жақан 1965 жылы 7 қаңтарда Алматыда дүниеге келген. 1987 жылы Алматы халық шаруашылығы институтын экономист мамандығы бойынша бітірген. 2018 жылы Ресей Федерациясы Сыртқы істер министрлігінің Дипломатиялық академиясын бітірген, экономика магистрі.
2007 жылдың қазанынан 2010 жылға дейін – Парламент Сенаты аппарат жетекшісінің орынбасары;
2010 жылдан 2012 жылдың ақпанына дейін – Премьер-министр кеңсесінің Макроэкономикалық талдау және бағдарламалар мониторингі бөлімінің меңгерушісі;
2012 жылдың наурызынан қазанына дейін – премьер-министрдің кеңесшісі;
2012 жылдың қазанынан 2014 жылдың шілдесіне дейін – Президент әкімшілігінің мемлекеттік бақылау және ұйымдастыру-аумақтық жұмыстар бөлімінің мемлекеттік инспекторы;
2014 жылдың шілдесінен 2016 жылдың қыркүйегіне дейін – ТМД Атқару комитетінің қаржы департаментінің директоры (Мәскеу);
2016 жылдың 16 қыркүйегінен 2021 жылдың қыркүйегіне дейін – республикалық бюджеттің атқарылуын бақылау жөніндегі есеп комитетінің мүшесі.
2021-2022 жылдар аралығында ҚР президенті Әкімшілігінің жанындағы «Материалдық-техникалық қамтамасыз ету бөлімі» мемлекеттік мекемесінің басшысы болды.
2022 жылы ҚР президенті Әкімшілігі Басшысының орынбасары болып жұмыс істеді.