Түркіменстан көшбасшысы Қазақстанға мемлекеттік сапармен келді.
Ақорда резиденциясында Түрікменстан Президенті Сердар Бердімұхамедовті салтанатты түрде қарсы алу рәсімі Қазақстан президенті баспасөз қызметінің Facebook парақшасында жарияланды.
Сердар Бердімұхамедов Астанаға 14 қазанда келді. Әуежайдан оны ҚР Премьер-министрі Әлихан Смайылов қарсы алды.
Түркіменстан көшбасшысы ТМД мемлекеттері басшылары кеңесінің отырысына және "Ресей - Орталық Азия" саммитіне қатысқаны хабарланған болатын.
Cапар аясында Қасым-Жомарт Тоқаев пен Сердар Бердімұхамедов екіжақты келіссөз өткізіп, маңызды құжаттарға қол қояды деп жоспарланып отыр.