Кодекс мәтіні БАҚ беттерінде жарияланады, деп хабарлайды Zakon.kz.
ҚР Парламентінің Сенаты жаңа құқықтық жүйені қамтитын аталған заң жобасын 2022 жылдың наурыз айының ортасында қабылдаған болатын.
Кодексте келесі негізгі бағыттар қамтылған:
- ұлттық демографиялық саясаттың факторы ретінде ана мен баланы қолдаудың басымдығы;
- еңбек нарығын дамыту және жұмыспен қамтуға жәрдемдесуді ұйымдастырудың жаңа тәсілдері;
- аз қамтылған отбасыларға материалдық әл-ауқатын арттыруға көмектесу;
- арнаулы әлеуметтік қызметтер жүйесін жетілдіру;
- мүгедектігі бар адамдарды әлеуметтік қорғау;
- зейнетақымен қамсыздандыруды одан әрі жетілдіру;
- асыраушысынан айырылған адамдарды әлеуметтік қолдау;
- әлеуметтік қамсыздандырудың жекелеген нормаларын халықаралық стандарттар деңгейіне келтіру;
- отбасының цифрлық әлеуметтік картасы;
- әлеуметтік қызметкердің кәсібилігі мен мәртебесін арттыру.
Қабылданған Кодекстің мақсаты - жұмыспен қамтылу мазмұнына, яғни платформалық жұмыс па, бірлескен жұмыс (бір жұмыс орнында екі жұмысшы) па, жұмыс кестесі өзгермелі ме, жұмыс аптасы төрт күндік пе және басқаларына қарамастан барлық жұмысшының еңбек құқықтарын теңестіру. Ол үшін заңнамаға жаңа ұғым енгізіледі: "тәуелсіз жұмысшы".
Яндекс Такси, Glovo және т.б. барлық онлайн-платформалар жария түрде шарт жасасуға міндеттеледі және офертаға қосылатын кез келген такси жүргізушісі немесе курьер осылайша барлық әлеуметтік жеңілдіктермен қамтылған деп есептеледі.
Бұл ретте біріктірілген төлемді енгізу есебінен салықтарды, зейнетақы және әлеуметтік аударымдарды төлеуді барынша жеңілдету және жалпы табысқа салынатын салық жүктемесін азайту ұсынылады. Ал бұрынғы бірыңғай жиынтық төлем жойылады.
Сонымен қатар, 2024 жылдан бастап қазақстандықтар қосымша зейнетақы төлемін ала алады.
