Ішкі істер органдарында орын алған кадрлық өзгерістерге байланысты бүгін Қызылорда облысының актив жиыны өтті.
Жиынға арнайы келген ҚР ІІМ бірінші орынбасары Марат Қожаев облыс әкімі Нұрлыбек Нәлібаевпен бірге облыстық ПД-ның жаңа басшысын жеке құрамға таныстырды.
Полиция генерал-майоры Махсудхан Аблазимов 1962 жылы туған. 1990 жылы инженер мамандығы бойынша Қазақ политехникалық институтын бітірген, 2001 жылы заңгер мамандығы бойынша Орта-Азия университетін тәмамдаған. Ішкі істер органдарындағы қызмет жолын 1981 жылы бастаған. Жауапты басшылық қызметтерде болған.
2016 жылдан бастап Батыс Қазақстан облысы Полиция департаменті бастығының қызметін абыроймен атқарған.