Жәбірленушінің бауырының айтуынша, оған және оның жанындағы достарына қастарынан өтіп бара жатқан топ жігіт киліге кеткен. Instagram-дағы парақшасында ол төбелестің видеосын жариялады.
Төбелес кезінде жәбірленуші басымен соғылып, бас-сүйегі сынып, ауруханаға жансақтау бөліміне түскен.
Алматы қалалық полиция департаменті бұл факт сотқа дейінгі тергеп-тексерудің бірыңғай тізіліміне тіркелгенін айтты. Қылмыстық іспен Медеу ауданының полициясы айналысуда.
"Бұл қылмысқа қатысты күдікті ұсталды. Қазіргі уақытта істің басқа мән-жайларын анықтауға бағытталған тергеу іс-шараларының кешені жүргізілуде. Сот-медициналық сараптама тағайындалды". Алматы қалалық ПД баспасөз қызметі
Бұған дейін әлеуметтік желіде Алматыдағы жанар-жағармай құю бекетінде үш ер адамның төбелесінің видеосы жарияланған болатын.
