Аталған қайғылы оқиға 2022 жылы 20 желтоқсанда Шалқар ауданында болған.
Сот материалдарына сәйкес, 2006 жылы туған кәмелетке толмаған "Д" масаң күйінде оң аяғымен жеткілікті күшпен кәмелетке толмаған "Ж"-ның кеуде тұсынан соққы жасап, салдарынан жәбірленуші қаза тапты. Сотталушының кінәсі куәлардың, сарапшының айғақтарымен, сараптама қорытындыларымен, іс жүргізу әрекеттерінің хаттамаларымен және заттай дәлелдемелермен расталады.
Прокурор сотталушыға 9 жылға бас бостандығынан айыру жазасын тағайындауды сұрады. Сотталушы кінәсін ішінара мойындады.
Сот ҚР ҚК-нің 106-бабы 3-бөлігінің санкциясы бойынша сотталушының мүлкі тәркіленіп немесе онсыз 8 жылдан 12 жылға дейінгі мерзімге бас бостандығынан айыру түріндегі жазаны тағайындады.
"Сот қылмыстық жауаптылық пен жазаны жеңілдететін мән-жайлар ретінде сотталушының кәмелетке толмаған жасын және соттылығының жоқтығын таныды.Қылмыстық құқық бұзушылықты масаң күйде жасау қылмыстық жауаптылық пен жазаны ауырлататын мән-жай ретінде танылды. Сот үкімімен "Д" кінәлі деп танылып, оған 8 жыл мерзімге бас бостандығынан айыру түріндегі жаза тағайындалды және жазасын қылмыстық-атқару жүйесінің орташа қауіпсіздіктегі мекемелерінде өтеу белгіленді". Ақтөбе облысының кәмелетке толмағандардың істері жөніндегі мамандандырылған ауданаралық сотының баспасөз қызметі
Сотталған адамнан жәбірленуші тараптың пайдасына 10 000 000 теңге сомасында моральдық залал, 1 679 090 теңге материалдық және 200 000 теңге өкілдік шығындар өндірілді.
Сот үкімі заңды күшіне енген жоқ.