"Жоғалып кеткен Г.Наржігітованың туыстарынан сұрақ-жауап алу барысында оның құны 1 миллион теңгеден асатын алтын бұйымдарды сатуға шыққаны анықталды. Оған қоса әйелдің бір тәуліктен астам хабар-ошарсыз кетуі де күмән туғызды. Сотқа дейінгі тергеу басталып, жедел-тергеу тобы құрылды", делінген өңірлік полиция хабарламасында.
Жоғалған әйелді іздеу шараларына облыс полицейлері жұмылдырылды. Оның ішінде Мақтаарал АПБ-ның барша жеке құрамы, көрші полиция бөлімдерінің қызметкерлері мен Жылдам қимылдайтын арнайы жасақтың жеке құрамы бар.
Жоғалып кеткен 1985 жылғы Гүлсім Наржігітова туралы қандай да бір ақпарат білгендерге Мақтаарал АПБ-ға 8-725-41-21-2-02, 8-747-541-62-56 немесе 102 телефондары бойынша хабар беру сұралады.
Бұл факті Түркістан облысы полиция департаменті басшылығының бақылауында екені де нақтыланады.