Жауапта шетелдік қызметкер Қазақстан аумағынан тысқары жерде, яғни қашықтан еңбек қызметін жүзеге асырған кезде жұмыс берушіге шетелдік жұмыс күшін тартуға рұқсат алудың қажеті жоқ екені айтылған.
Сонымен қатар Еңбек кодексінде қашықтан жұмыс істеу еңбек шартын жасасқан кезде де, еңбек шартына тиісті өзгерістер мен толықтырулар енгізіле отырып, еңбек шартының қолданылу мерзімі ішінде де белгіленетіні көзделген.
Бұл жағдайда жұмыс берушінің актісі міндетті түрде мыналарды қамтуы керек:
- қашықтан немесе аралас дистанциялық жұмысты уақытша белгілеуге негіз;
- жұмысы уақытша қашықтан немесе аралас қашықтан белгіленген қызметкерлердің тізімі;
- уақытша қашықтан жұмыс істеуге негіз болған жағдайды болдырмау күнінен аспайтын қашықтан жұмыстың немесе аралас қашықтан жұмыстың кезеңі.