Ақтөбе облысы ПД баспасөз қызметінің хабарлауынша, "Daewoo Nexia" автокөлігінің 25 жастағы жүргізушісі жол жиегінде тұрған "DAF" жүк көлігінің тіркемесіне соқтығысқан.
"Жол-көлік оқиғасы салдарынан жеңіл автокөліктің жолаушылары - 49 жастағы ер адам және 47 жастағы әйел оқиға орнында қаза тапты", делінген полиция хабарламасында.
Жол-көлік оқиғасы фактісі бойынша сотқа дейінгі тергеп-тексеру басталғаны да нақтыланады.
Сурет: Ақтөбе облысы ПД баспасөз қызметі
Полиция департаменті көлік жүргізушілерін жол қозғалысы ережелерін қатаң сақтауға шақырады.