Патрульдеу барысында полицейлер Өскемендегі көшелердің бірінде 27 жастағы жергілікті тұрғынның басқаруындағы "МТЗ 82" маркалы тракторды тоқтатты.
"Құжаттарды тексеру кезінде жүргізуші 7 жыл мерзімге жүргізуші куәлігінен айырылғандығы анықталды. Алайда, бұл ер адамды тоқтата алмаған және ол қайтадан масаң күйде көлік жүргізген. Осы факті бойынша ҚР ҚК-нің 346-бабы 1-бөлігі бойынша сотқа дейінгі тергеу басталды", деп хабарлайды ШҚО ПД баспасөз қызметі.
