Атап айтқанда, "Гиперборей" арнасына, бірқатар блогерлер мен басқа да БАҚ-тарға шағымданды.
Журналист Вадим Борейконың тұспалдауынша, арыз түсіруге кіші Бишімбаевтың жауапкершіліктен сытылып кетуі мүмкін деген блогердің болжамы себеп көрінеді.
Полиция мұндай арыз түскенін растады.
"Полицияға арыз келіп түсті, қазіргі уақытта ол қарастырылып жатыр". Астана қалалық ПД баспасөз қызметі
2023 жылы 30 қарашада ҚР Бас прокурорының орынбасары Жандос Өміралиев Мәжіліс дәлізінде Қуандық Бишімбаевтың жұбайы Салтанат Нүкенованы айрықша қатыгездікпен өлтірді деп күдікке ілінгенін айтқан.
4 желтоқсанда ҚР Парламенті Мәжілісі төрағасының орынбасары Дания Еспаева Орталық Азия әйелдері диалогы конференциясының аясында журналистерге берген сұқбатында Қуандық Бишімбаевтың оқиғасы туралы БҰҰ сайтында ақпарат жарияланғанын мәлімдеді.
21 желтоқсанда ҚР Ішкі істер министрінің бірінші орынбасары Марат Қожаев Ұлттық экономика экс-министрі Қуандық Бишімбаевтың ісі сотқа қашан жететінін айтты.