Бір апта бұрын әлеуметтік желіде оның жоғалғаны туралы еріктілер ақпарат таратқан болатын. Еріктілердің айтуынша, қайтыс болған келіншек Семей қаласына жолай көлік ұстап кетіп, содан кейін байланысқа шықпаған.
3 маусымда Абай облысының полиция департаменті жоғалған 30 жастағы әйелге қатысты жағдайлардың анықталғанын хабарлады.
"Кісі өлтіру фактісі бойынша сотқа дейінгі тергеу басталды. Күдікті әйел қамауға алынды. Тергеу әрекеттері жүргізіліп, тиісті сараптамалар тағайындалды", делінген хабарламада.