Қайғылы оқиғаның видеосы әлеуметтік желіде пайда болды.Видео сипаттамасында Бейімбетов көшесінен төмен орналасқан Тәтібеков көшесінде жарықтың нашар болуына байланысты түнде мопед жүргізушісі жолдың біткенін аңғармай, бар жылдамдығымен қақпаға соғылған.
"Мопедтегі екеудің бірі қаза тапты, тағы бірі жан сақтау бөліміне түсті. Көше тұрғындары OpenAlmaty арқылы бұл мәселе бойынша тиісті органдарға бірнеше рет жүгінген, сондай-ақ Медеу ауданының әкімімен болған кездесуде де осы проблеманы көтерген", делінген видео астындағы жазбада.
Алматы қалалық ПД баспасөз қызметі аталған жол апатына қатысты түсініктеме берді.
"Аталған факті бойынша Медеу ауданының полиция бөлімі тергеу амалдарын қолға алды. Сот-медициналық сараптама тағайындалды. Басқа мән-жайлар анықталуда", делінген хабарламада.