Оқыс оқиға кадрларымен 6 қыркүйекте Алматы полициясы бөлісті.
"Бұл жол-көлік оқиғасы 28 тамыз күні таңғы сағат 07.15-те Алматының Әуезов ауданында орын алды.Төле би даңғылымен батыс бағытта келе жатқан мопед жүргізушісі белгіленген жаяу жүргіншілер өткелінде жолды кесіп өтіп бара жатқан қызды қағып кетіп, оқиға орнынан бой тасалаған",- делінген ведомство хабарламасында.
Алматы қалалық ПД Жергілікті полиция қызметі Басқармасының бастығы, полиция полковнигі Серік Шумаевтың айтуынша, іздестіру бөлімшесінің қызметкерлері жүргізген шаралардың арқасында қашып кеткен азамат анықталды және ұсталды.
"Бұл 23 жастағы жігіт. Қазіргі уақытта жаяу жүргінші ауруханада жатыр, жол апаты бойынша қылмыстық іс қозғалды. Жедел-іздестіру шаралары барысында қаладағы бейнебақылау жүйелерінің ресурстары барынша пайдаланылғанын айта кеткен жөн".Серік Шумаев
Бұған дейін Алматы облысының дәрігерлері жаңа босанған ананың өмірін сақтап қалғаны хабарланды.