Пилоттық жоба Цифрлық теңгені пайдалана отырып, қосылған құн салығының (ҚҚС) асып кетуін қайтаруды жаңғырту және жетілдіру мақсатында әзірленді.
Жобаның қатысушылары:
- Мемлекеттік кірістер комитеті;
- Облыстар, республикалық маңызы бар қалалар және Астана бойынша Мемлекеттік кірістер органдары – көрсетілетін қызметті беруші);
- пилоттық жобаға өз еркімен қатысатын ҚҚС төлеушілер;
- ҚР Ұлттық Банкі
- "ҰКП" АҚ;
- пилоттық жобаға (ЕДБ)өз еркімен қатысатын екінші деңгейдегі банктер;
- ҚР Қаржы министрлігінің Қазынашылық комитеті;
- есепке алу бухгалтерлік жүйелерін әзірлеумен айналысатын және пилоттық жобаға өз еркімен қатысатын заңды тұлғалар.
Цифрлық шоттың пилоттық жобасына қатысушы салық төлеушіге цифрлық теңге жүйесінде ЕДБ ашу және цифрлық теңгемен төлемді растау салық төлеушінің пилоттық жобаға қатысуына келісім болып табылады.
ҚҚС асып кеткен соманы қайтару туралы талап көрсетілген салық кезеңі үшін ҚҚС бойынша декларацияны МҚҚ-ға ұсыну үшін Салық кодексінде белгіленген соңғы күн өткеннен кейін 15 жұмыс күні ішінде жүргізіледі.
Мемлекеттік қызмет көрсету нәтижесі:
- қолда бар салық берешегін өтеу есебіне ҚҚС сомасының асып кетуін есепке жатқызу;
- салық берешегі болмаған кезде салықтар мен төлемдердің өзге түрлері бойынша (талап бойынша) алдағы төлемдер есебіне ҚҚС асып кеткен соманы есепке жатқызу;
- салық берешегі болмаған кезде салық төлеушінің банктік шотына ҚҚС асып кетуінің қалған сомасын қайтару.
Бірлескен бұйрық 2024 жылғы 6 қазаннан бастап қолданысқа енгізіледі және осы бұйрық қолданысқа енгізілген күннен бастап 2025 жылғы 31 желтоқсанға дейін туындаған құқықтық қатынастарға қолданылады.
