Қарағанды облыстық прокуратурасы 18 қазанда аталған қызметкер ҚР Қылмыстық кодекстің 146-бабының 2-бөлігі бойынша кінәлі деп танылып, 1 жыл 6 айға бас бостандығынан айырылғанын нақтылады. Сондай-ақ оған 3 жыл бойы мемлекеттік қызметте және құқық қорғау органдарында қызмет атқаруға тыйым салынды.
"Сотталушы "әділет капитаны" арнайы атағынан айырылды. Ол Жәбірленушілерге өтемақы төлеу қорына айыппұл төлейді. Мұндай қылмыстардың алдын алу мақсатында облыс прокуратурасы ҚАЖД қызметкерлері үшін сот процесін тікелей эфирде көрсетуді ұйымдастырды. Сотқа дейінгі тергеп-тексеруді облыс прокуратурасының Сотқа дейінгі тергеп-тексеру басқармасы жүргізді", делінген ведомство хабарламасында.
3 сәуірде Қарағанды және Ұлытау облыстары бойынша №62 мекеменің және Ұлттық Ұланның №6505 әскери бөлімінің 11 қызметкері сотталушыларды төмендету мақсатында 11 сотталушыны азаптағаны белгілі болды. Мұны жасыру үшін күдіктілер басшылыққа сотталғандар бағынбай, бүлік шығарды деп есеп берген.
