Арнаулы әлеуметтік қызметтер көрсетуге қойылатын біліктілік талаптары:
- Ғимаратқа (үй-жайға) құқықтарды мемлекеттік тіркеу туралы куәліктің немесе ғимаратқа (үй-жайға) жалдау шартының нотариат куәландырған көшірмелерімен және жылжымайтын мүлік объектісінің кадастрлық паспортымен расталатын меншік құқығында немесе жалдау шартының негізінде арнаулы әлеуметтік қызметтер көрсетуге жарамды ғимараттың немесе үй-жайдың болуы.
- арнаулы әлеуметтік қызметтердің сапасын қамтамасыз ететін қажетті ғимараттардың болуы:
- санитариалық қағидаларға сәйкес үй-жайлары бар;
- өрт қауіпсіздігі ережелеріне сәйкес ғимараттың болуы;
- объектілерде мүгедектігі бар адамдар үшін қолжетімділікті қамтамасыз ету, оның ішінде: кіру топтары, жүріп-тұру жолдары, қызмет көрсету аймақтары, санитариялық-тұрмыстық үй-жайлар, объектідегі ақпарат және телекоммуникация құралдары, сондай-ақ мүгедектігі бар адамдар үшін тұрақ орындары бар қажетті ғимараттардың болуы.
- санитариялық қағидаларға сәйкес келетін тамақтану объектісінің болуы (егер қызметтерді алушылардың тұруы көзделсе немесе алушылар объектіде 4 сағаттан артық болса). Қызметтерді алушыларды тамақпен қамтамасыз етуге арналған шарттың болуы.
- Ұсынылатындардың тиісті сапасын қамтамасыз ететін материалдық-техникалық базаның болуы:
- әлеуметтік-тұрмыстық қызметтердің;
- әлеуметтік-медициналық көрсетілетін қызметтердің;
- әлеуметтік-педагогикалық қызметтердің;
- әлеуметтік-еңбек қызметтердің;
- әлеуметтік-мәдени қызметтердің;
- әлеуметтік – психологиялық қызметтердің тиісті сапасын қатамасыз ететін материалдық-техникалық базаның болуы.
- Арнаулы әлеуметтік қызметтер көрсететін ұйымдар қызметінің қағидаларына сәйкес келетін штат нормативтерімен көзделгеннен кем емес қызметкерлер штатының болуы.
- Халықты әлеуметтік қорғау саласында арнаулы әлеуметтік қызметтер көрсетудің белгіленген стандартына сәйкес келетін жатын бөлмелердің болуы.
Біліктілік талаптары қолданылмайды:
- үйде арнаулы әлеуметтік қызметтер көрсететін жеке және заңды тұлғаларға;
- қызмет алушылардың тұруы көзделмеген ұйымдарда қолданылмайды.
Бұйрық 2025 жылғы 1 қаңтардан бастап қолданысқа енгізілді.