Қаржы министрлігінің функцияларына қосылды:
- петицияны ҚР АППК белгілеген ерекшеліктерімен бірге АППК белгілеген тәртіппен қарау;
- кәсіптік біліктілікті тану саласындағы уәкілетті орган айқындаған тәртіппен ҚР Ұлттық сыныптауышының, салалық біліктілік шеңберінің негізінде Кәсіптік стандарттарды әзірлеу және (немесе) өзектендіру;
- ҚР Ұлттық Кәсіпкерлер палатасының ұсынымдық сипаттағы қорытындысын ескере отырып, кәсіптік біліктіліктер жөніндегі салалық кеңеспен және кәсіптік біліктіліктерді тану саласындағы уәкілетті органмен келісу бойынша кәсіптік стандарттарды бекіту;
- кәсіптік біліктілікті тану саласындағы уәкілетті орган айқындайтын тәртіппен салалық біліктілік шеңберлерін әзірлеу және (немесе) өзектендіру.
Сонымен қатар, ведомствоның бірқатар функциялары түзетілді:
- аудиторлыққа кандидаттарды аттестаттау жөніндегі біліктілік комиссиясының құрамына қатысу;
- кәсіптік біліктілік жөніндегі салалық кеңестермен келісім бойынша кәсіптер тізіліміне өзгерістер мен толықтырулар енгізу бойынша кәсіптік біліктілікті тану саласындағы уәкілетті органға жыл сайынғы негізде ұсыныстар енгізу;
- кәсіптік біліктіліктер жөніндегі салалық кеңестермен келісім бойынша кәсіптік стандарттарды әзірлеу және (немесе) өзектендіру жөнінде жыл сайынғы негізде ұсыныстар әзірлеу және оларды кәсіптік біліктіліктерді тану саласындағы уәкілетті органға жіберу;
- облыстардың, республикалық маңызы бар қалалардың және астананың жергілікті атқарушы органдарымен келісім бойынша кәсіптік біліктілікті тану саласындағы уәкілетті орган айқындаған тәртіппен ағымдағы және болашақ кезеңдердегі кәсіптердің өзектілігін ескере отырып, жыл сайынғы негізде кәсіптік біліктілікті танудағы еңбек нарығының қажеттілігін қалыптастыру;
- кәсіптік біліктіліктер жөніндегі салалық кеңестермен келісім бойынша кәсіптік біліктіліктерді тану шарттары бойынша кәсіптік біліктіліктерді тану саласындағы уәкілетті органға кәсіптік біліктіліктер жөніндегі Ұлттық кеңестің отырысында қарау үшін ұсыныстар енгізу;
- кәсіптік біліктілікті тану саласындағы уәкілетті орган бекіткен кәсіптік біліктілік жөніндегі салалық кеңестер туралы Үлгілік ереженің негізінде кәсіптік біліктілік жөніндегі салалық кеңестер туралы ережені әзірлеу және бекіту.
Қаулы 2025 жылғы 18 ақпаннан бастап қолданысқа енгізіледі.