Атап айтқанда, ережелерде бірнеше тармақ жаңа редакцияда жазылған.
Нақтыланғандай, формальды емес білім берудің оқу нәтижелері мен құзыреттерін салыстыру бағдарламалардың мазмұнын, олардың мақсаттарын және оқу пәнінің силлабусын немесе білім беру бағдарламасының модулін қамту толықтығын зерделеу арқылы жүзеге асырылады.
Формальды емес білім беруді оқыту нәтижелерін растайтын құжат:
- техникалық және кәсіптік, орта білімнен кейінгі, жоғары және жоғары оқу орнынан кейінгі білім беру ұйымдары;
- Қазақстан Республикасының білім беру саласындағы заңнамасына сәйкес қосымша білім беру ұйымдары, кадрлардың біліктілігін арттыру және қайта даярлау институттары (орталықтары), білім беру қызметіне құқығы бар жұмыс берушілер жанындағы оқу орталықтары немесе жұмыс берушінің өтінімі бойынша жұмыс берушінің жұмыс орны;
- сұранысқа ие кәсіптер тізбесі бойынша электрондық еңбек биржасы;
- халықаралық білім беру платформаларындағы (Coursera (курсор), EdX (Эдикс), FutureLearn (Фьючелен), Udacity (Юдасити) жаппай ашық онлайн курстары беретін оқуды аяқтау туралы сертификат немесе куәлік болып табылады.
Куәліктер мен сертификаттардың көлемі (академиялық кредиттерде және (немесе) сағаттарда) және бағалары көрсетіле отырып, бағдарламаның зерделенген курстарының, оқу пәндерінің (модульдерінің) атаулары көрсетілетін еркін нысаны мен қосымшасы болады.
Формальды емес білім беруді оқыту нәтижелерін тану үшін білім беру ұйымының бірінші басшысының немесе оны алмастыратын адамның бұйрығымен Формальды емес білім беруді оқыту нәтижелерін тану жөніндегі комиссия құрылады.
Комиссияның қызметі туралы ережені, оның құрамын білім беру ұйымы дербес айқындайды.
Білім алушы (тыңдаушы) формальды емес білім берудің оқыту нәтижесін (нәтижелерін) тану үшін академиялық кезеңнің басталуына дейін Комиссияның қарауына мынадай құжаттарды ұсынады:
- Комиссия төрағасының атына еркін нысанда формальды емес білім берудің оқыту нәтижелерін тану туралы өтініш;
- формальды емес білім берудің оқыту нәтижелерін растайтын құжат (куәлік және сертификат).
Формальды емес білім беруді оқыту нәтижелерін тану үшін білім беру ұйымының бірінші басшысының немесе оны алмастыратын адамның бұйрығымен Формальды емес білім беруді оқыту нәтижелерін тану жөніндегі комиссия құрылады.
Комиссияның қызметі туралы ережені, оның құрамын білім беру ұйымы дербес айқындайды.
Бұйрық 2025 жылғы 8 сәуірден бастап қолданысқа енгізіледі.