"Түркістан облысы Кентау қаласының 900 га аумағы төтенше экологиялық жағдай аймағы болып жариялансын", – делінген құжатта.
Төтенше экологиялық жағдай аймағына солтүстіктен Түркістан облысының Кентау қаласына іргелес жатқан ауданы 900 га Өнеркәсіптік аймақтың аумағы жатады. Онда адамдар тұрмайды.
Сурет: ҚР ТЖМ баспасөз қызметі
Өнеркәсіптік аймақ аумағының төтенше экологиялық жағдай аймағының қолданылу мерзімі – 2075 жылғы 1 қаңтарға дейін.
Түркістан облысының әкімдігіне мынадай шараларды енгізуді қарастыру тапсырылды:
- кіру мен шығудың ерекше режимін белгілеу, көлік құралдарының қозғалысын шектеу;
- қызметі төтенше экологиялық жағдайды жоюға немесе халықтың тыныс-тіршілігін қамтамасыз етуге байланысты емес жаңа кәсіпорындар мен басқа да объектілерді салуға және жұмыс істеп тұрғандарын кеңейтуге тыйым салуды белгілеу;
- халықты тұрақты немесе уақытша тұруға арналған үй-жайларды міндетті түрде бере отырып, адамдардың тұруы үшін қауіпті орындардан көшіру;
- экологиялық қауіптілігі жоғары деп танылған объектілерді салуға және олардың жұмыс істеуіне тыйым салу;
- сауықтыру, курорттық мақсаттағы объектілердің жұмыс істеуіне тыйым салу;
- адамдарға, өсімдіктерге, жануарлар әлеміне және басқа да табиғи объектілерге жоғары экологиялық қауіп төндіретін кез келген басқа қызметті жүзеге асыруға тыйым салу немесе шектеу.
- Сонымен қатар, Түркістан облысының әкімдігіне:
- тиісті аумақтағы қолайсыз экологиялық ахуал деңгейін тұрақтандыру және төмендету жөніндегі іс-шараларды әзірлеу;
- Экологиялық кодекстің 409-бабына сәйкес төтенше экологиялық жағдай аймағындағы экологиялық ахуалдың мониторингін қамтамасыз ету.
Бұйрық қол қойылған күнінен бастап қолданысқа енгізіледі.