Іздестіру жұмыстарына полиция қызметкерлері, Төтенше жағдайлар департаментінің бөлімшелері және жергілікті тұрғындар жұмылдырылды. Барлығы 30-ден астам адам қатысып, таулы-орманды аумақта іздеу жұмыстарын тәулік бойы жүргізді.
"25 шілде күні зейнеткерді полиция қызметкерлері аман есен тапты. Оқиға орнында алғашқы медициналық көмек көрсетілді. Қазіргі уақытта оның өмірі мен денсаулығына қауіп төніп тұрған жоқ". ШҚО ПД баспасөз қызметі
Жоғалған азаматтың ұлы полиция қызметкерлеріне жедел және кәсіби әрекеті үшін алғыс білдірді.
Бұған дейін Павлодар облысында жоғалған бала аман-есен табылғаны белгілі.