Атырау облысының полициясы "Мой город" жергілікті басылымына аталған оқиғаның 2024 жылы әлеуметтік орталықта болғанын, бала екінші топтағы мүгедек болып табылатынын нақтылады.
"Ал күш көрсету жайлы тек 2025 жылдың 25 қыркүйегінде ғана мәлім болды. Тәрбиешіге қатысты қылмыстық іс қозғалды", делінген хабарламада.
Қазіргі уақытта сотқа дейінгі тергеу амалдары жүргізілуде, полиция куәгерлерден сұрақ-жауап алып жатыр.
Бұған дейін Қостанайдағы ерекше балаларға арналған орталықта тәрбиеші баланың денесін үтікпен күйдіргені хабарланған болатын.