«Астана ЭКСПО-2017» Ұлттық компаниясы» АҚ коммерциялау департаментінің директоры Дәулет Еркімбаев пресс-конференцияда еліміздің жаңа жылдық бас шыршасы қай жерге орналасатынын айтты, - деп хабарлайды Zakon.kz.
"Еліміздің бас шыршасы ЭКСПО аумағында орналасатын болды. Мұз айдыны да сол жерде болады. Барлығы біздің негізгі нысанымыз болып табылатын "Нұр Әлем" сферасының қасында орналасады. Шыршамен бірге, бұрын "Хан шатыр" сауда орталығының жанында орналасқан мұз қалашығы да сол жерге көшіріледі. Бұның бәрін Астана әкімшілігімен бірігіп істейміз" - деді ол.
Оның айтуынша, мұз айдынының ашылу салтанаты 11 қарашаға жоспарланған, ал мұз қалашығы келесі айдың басында ашылады.
Фото: Zakon.kz.
