Атырауда «Қазақстанның киелі орындарының» картасы күн санап жаңа жәдігерлермен толығып келеді, - деп хабарлайды Хабар 24.
Дәлірек айтқанда, бұл жобаға бұрын 4 тарихи нысан енсе, енді олардың саны 6-ға жетіп отыр. Мұнайлы өңірді аралаған тарихи экспедиция мүшелері Индер ауданындағы Тұздыкөл мен Жылыойдағы Иманқара үңгірін де ерекше орын деп тапты. Экспедиция барысында мұнайлы өңірдегі өзге де киелі жерлер жергілікті картаға енгізілді. Оларға қатысты аңыз-әңгімелер мен естеліктер жинақталып, енді тарихи құндылығы бойынша тізімділетін болады.
– Ең басысты, бұлар бізге қандай рухани құндылықтарды насихаттайды. Тек ескерткіш қана емес, оның белгілі бір рухани маңыздылығы, біздің ұлттық сана сезімімізге, ұлттық бірегейлігімізді қалыптастыруға ерекше орын алатын жерлер мен кешендерді қосамыз, - дейді «Қасиетті Қазақстан» ғылыми зерттеу орталығының жетекшісі Берік Әбдіғалиұлы.
Фото: 24.kz