Екібастұз қаласындағы мектептердің бірінде жұмыс істейтін 29-жасар физика пәнінің мұғаліміне қатысты алаяқтық бойынша сотқа дейінгі тергеу амалдары жүргізіліп жатыр, - деп хабарлайды Zakon.kz.
Павлодар облысының ІІД баспасөз қызметі хабарлағандай, мұғалім сырқат анасының еміне қажет деп 11 сынып оқушысын алдап, алтын бұйымдарын алған.
«Алтын қолына түскеннен кейін ол бұйымдарды ломбардқа өткізіп, 240 мың теңге алған. Оқушы бірнеше рет алтынын қайтарып алу туралы мұғалімге өтініш білдіргенімен, қайтара алмапты. Ақыры, бұл жағдай туралы ағасына айтып, Instagram-дағы парақшасына жазған», – деп хабарлайды ІІД баспасөз қызметінен.
Қазіргі уақытта барлық алтын бұйымдар оқушыға қайтарылды.
Фото: kursiv.kz