Алыс және таяу шетелден келген 734 адам Қазақстан азаматтығын алады, - деп хабарлайды Sputnik Қазақстан.
Бүгін мемлекеттік хатшы Гүлшара Әбдіқалықованың төрағалығымен өткен президент жанындағы азаматтық мәселелер жөніндегі комиссияның отырысында Қазақстан азаматтығынан шығару және беру мәселелері қарастырылды, деп хабарлайды Ақорданың баспасөз қызметі.
Тиісті жарлыққа қол қойылғаннан кейін алыс және таяу шетелден келген 734 түрлі этнос өкілі Қазақстан азаматтығын алады.
Мемлекеттік хатшы тәуелсіздік алғаннан бері 1 миллионнан астам адамның біздің еліміздің азаматы атанғанын атап өтті. Бұл әлемнің Нұрсұлтан Назарбаевтың жетекшілігімен сенімді дамып келе жатқан мемлекет ретінде Қазақстанға деген қызығушылығының айқын айғағы, деді ол.
Фото: sputniknews.kz