Шалқар қаласында жоғары сынып оқушысы мектепте қайтыс болды, - деп хабарлайды kerek-info.kz.
Марқұм қаладағы №8 орта мектептің 10 сыныбында оқыған.
Нақты деректерге қарағанда, аталған мектепте шара өтуге тиіс екен. Шара басталмай тұрып, аяқ киімін ауыстыру үшін арнайы бөлмеге кірген Жылқыбай Нағашыбайдың денсаулығы оқыстан нашарлап, талып қалған.
- Мектеп дәрігері алғашқы көмек көрсетіп, жедел жәрдем шақырыпты. Алайда олар келгенше, баланың жүрегі тоқтап қалған секілді. Нақты себебін басқа органдар анықтап жатқан шығар, ол жағын білмедік, - дейді аудандық білім бөлімінің қызметкері.
Ол оқушының оқу үлгерімі де, тәртібі де өте жақсы болған екен. Тек тұйықтау болыпты. Жақында ғана ата-анасы ажырасып, Жылқыбай әкесінің қасында қалыпты. Ал анасы басқа балаларымен бөлек кеткен екен.
Фото: kerek-info.kz