Алматы-Бішкек тас жолында жолаушылар автобусы жолдың жиегіне құлап кетті, - деп хабарлайды Zakon.kz Алматы облысының ІІД баспасөз қызметіне сілтеме жасап.
Жол көлік апаты Ұзынағаш ауылына жақын маңда орын алған.
«Жол көлік оқиғасы бүгін таңғы 8 уақытында "Алматы-Бішкек" тас жолының 62 шақырымында болды. Келіп түскен ақпарат бойынша оқиға орнында екі адам қайтыс болды. Ұзынағаш ауруханасына түрлі жарақат алған 10 адам жеткізілді. Олардың арасында кәмілет жасқа толмаған балалар да бар. Оқиға орнында полиция жұмыс істеп жатыр», - деген пікір берді Алматы облыстық ІІД.
43 жолаушысы бар автобус Шымкенттен Алматыға қарай бет алған. Көктайғақтың салдарынан 41 жастағы жүргізуші автобусты басқара алмай қалған.
