Бүгін атмосфералық фронттардың өтуіне байланысты Қазақстанның басым бөлігінде қар жауады. Тек кей жерлерде тұман, көктайғақ, бұрқасын, жел күшейеді, - деп хабарлайды Zakon.kz Қазгидрометке сілтеме жасап.
Республиканың кей жерлерінде жел күшейіп, тұман түседі, көктайғақ, бұрқасын болады.
Оңтүстік Қазақстан, Қарағанды облыстарының кей жерінде тұман, бұрқасын, жел 15-20 м/с күшейеді.
Павлодар, Шығыс Қазақстан облыстарының кей жерлерінде бұрқасын болып, жел 15-20 м/с жетеді.
Алматы облысының кей жерлерінде түнде тұман болып, Жалаңашкөл ауданында жел 15-20 м/с күшейеді.
Батыс Қазақстан облысының кей жерлерінде тұман, көктайғақ күтіледі, жел 15-20 м/с болады.
Ақмола облысының кей жерлерінде түнде және таңертең бұрқасын болуы мүмкін.
Жамбыл, Қызылорда, Маңғыстау, Атырау, Ақтөбе, Қостанай, Солтүстік Қазақстан облыстарының кей жерлерінде тұман, Атырау облысында көктайғақ болады.
