Синоптиктердің болжамынша, республиканың басым бөлігінде қар жауып, бұрқасын болады, - деп хабарлайды Zakon.kz Қазгидрометке сілтеме жасап.
"Сібір антициклонының әсерінен Қазақстанның көптеген облысында ауа райы жауын-шашынсыз. Оны алмастыратын Оңтүстік Каспий циклоны елге жылы әрі дымқыл ауа массаларын әкеледі. Соның ықпалынан ауа температурасы көтеріледі деп болжануда", — делінген хабарламада.
"Қазгидрометтің" ақпаратынша, циклонның батыстан шығысқа жылжу шамасына қарай, республиканың басым аумағында қар жауып, бұрқасындатады, оңтүстік-батыстан қатты жел соғып, көктайғақ болады.