Алматы зообағында арыстан өлді. Бұл туралы зообақтың директоры Ержан Еркінбаев хабарлады, деп жазады Zakon.kz.
"Арыстанның өліміне қанның қатерлі дерті себеп болған. Хан есімді арыстан зообақққа Франциядан 2004 жылы әкелінген. Соңғы бірнеше күн ішінде жағдайы нашарлап кетті. Жыртқыштар үйінде госпиталь жасадық. Қажетті диагностикалық аппараттар қойдық. Диагностика жасау үшін Ханға наркоз берілген еді. Физиологиялық өзгерістер арыстанның өмір сүре алмайтынын көрсеткен. Жыртқыштың жүрегі наркоздан шықпай жатып тоқтап қалды. Өте өкінішті, Хан небәрі 15 жаста еді. Біз үшін ол зообағымыздың патшасы еді», - деп жазды зообақ директоры Instagram парақшасында.