«Қазгидромет» РМК бірнеше облыста дабылды ескерту жариялады, деп хабарлайды Baq.kz.
Шығыс Қазақстан облысы бойынша 29 желтоқсанда кей жерлерде қар, бұрқасын, жолдарда көктайғақ болады, жел 15-20 м/с күшейеді.
Сонымен қатар, ертең Қостанай облысының кей жерлерінде жел 15-20 м/с күшейеді, түнде кей жерлерінде бұрқасын, тұман, көктайғақ болады.
Жауын-шашынның әсерінен және қар жамылғысының тұрақсыз күйіне байланысты Алматы облысының таулы аймақтарында және Талас Алатау жотасында (Оңтүстік Қазақстан мен Жамбыл облыстарында) 29 желтоқсанда қар көшкіні жүреді деп болжануда.