Жамбыл облысына қарасты қылмыстық-атқару жүйесінің қызметкерлері түзеу мекемесіне ірі көлемде есірткі кіргізген кәсіпкерді ұстады, деп хабарлайды Вaq.kz.
«Өңірдегі колониялардың бірінде өндіріс орнын ашқан кәсіпкер біздің қызметкерлердің назарына бірден ілігеді. Қызмет барысында қырағылық танытқан тәртіп сақшылары кәсіпкерді жеке тінту кезінде оның аяғынан целлофанға оралған 6 қалта алды», - дейді Жамбыл облысы ҚАЖ департаментінің бастығы Мейіржан Смағұлов.
ҚАЖ комитетінің баспасөз қызметі осы жылы ірі көлемдегі есірткінің алғаш рет тәркіленіп отырғанын атап өтті. Сот-химиялық сараптама қорытындысы алынған затты жарты келіге жуық марихуана есірткісі деп тапты.
Аталған фактіге байланысты сотқа дейінгі тергеу басталды.
