Алматы тұрғындары метрода телефонмен байланысқа шығып, ғаламторға кіре алады. Алматы метрополитені 2018 жылдың екінші жартыжылдығында GSM-стандартты іске қосады. Бұл туралы Алматы метрополитенінің баспасөз хатшысы Игорь Сахар айтып берді, деп жазады Stan.kz.
Қазіргі таңда GSM-жиілігін тарататын құрылғы тестілеуден өтіп жатыр.
“Алматы метросында GSM-стандартты 2018 жылдың екінші жартысында іске қосамыз деп жоспарлап отырмыз”, – дейді Игорь Сахар.
Бұдан өзге, Игорь Сахар 2020 жылға дейін екі бірдей метро стансасының іске қосылатынын атап өтті. Олар – «Достық» және «Сарыарқа».
Еске сала кетейік, 2011 жылдың 1 желтоқсанында жалпы аумағы 8,6 км болатын метрополитен іске қосылды.
