Лисаковск қаласының соты енесін балағаттаған 35 жастағы ер адамды әкімшілік қамауға алу туралы шешім шығарды, деп хабарлайды Baq.kz.
Бұл туралы Қостанай облыстық сотының баспасөз қызметі мәлім етті.
«23 қаңтарда ер адам түн ішінде мас болып, енесіне жаман сөздер айтып, оны балағаттаған. Ол бұған дейін де осындай қылығы үшін жауапқа тартылған болатын. Бір жылдың ішінде екінші рет осындай жағдай болып отыр. Сот қаулысына сәйкес, ол айыпты деп танылды. Ол 10 тәулікке әкімшілік қамауға алынды», - деп жазылған соттың хабарламасында.
Соттың қаулысы заңды күшіне енген жоқ.