Атмосфералық фронталды ағымдардың өтуіне байланысты республиканың басым бөлігінде қар жауып, бұрқасын болады, деп хабарлайды Zakon.kz Қазгидрометке сілтеме жасап.
Тек елдің оңтүстігі мен солтүстік-батысында ғана қар жаумайды. Кей жерге тұман түсіп, көктайғақ болып, бұрқасындатады, жел күшейеді.
Алматы облысының бірқатар аймағында тұман түсіп, Жалаңашкөлде желдің жылдамдығы секундына 18-23 метрге жетеді.
Жамбыл, Маңғыстау облыстарының кей жерінде тұман түсіп, көктайғақ болып, жел секундына 15-23 метрге дейін ұйытқиды.
Батыс Қазақстан облысының бірқатар аймағында боран, көктайғақ болып, түнде жел секундына 15-20 жылдамдықпен соғады.
Атырау облысының кей жерінде тұман, көктайғақ болып, түнде желдің жылдамдығы секундына 18 метрге жетеді.
Шығыс Қазақстан облысының кей жерінде желдің жылдамдығы секундына 15-20 метрге жетеді.
Ақмола, Қызылорда, Ақтөбе, Қостанай, Солтүстік Қазақстан, Павлодар және Қарағанды облыстарында тұман түседі деген болжам бар.